18 марта 2015 г.
ТУНТИКУН, мартăн 16-мĕшĕнче, районти ЗАГС пайĕн ĕçченĕсем Юхмапа Пăла тăрăхĕнче кун çути курнă çĕрмĕш пепкене регистрациленĕ. Пăхаттир Шăнкăртамри Фенис Минзагитовичпа Эльвира Талгатовна Велиулловсен çемйине савăнăç кỹнĕ. Ашшĕпе амăшĕ хăйсен виççĕмĕш ывăлне Ильяс ят панă. Кĕçĕн шăллĕн икĕ пиччĕшĕн ячĕсем те çакнашкалах янăраççĕ: Ильмир тата Ильсаф.
Пĕлтĕр вара шăп та лăп çак вăхăтра районшăн пĕлтерĕшлĕ савăнăçа Çăл Атăкри Агашевсен çемйи пайланă. Сергей Михайловичпа Ольга Геннадьевна çулталăк каялла алла илнĕ чиперкки пĕр çул тултарнă. София та çемьере виççĕмĕш ача.
Источник: "Авангард" (газета Батыревского района)