31 января 2015 г.
ЛИТЕРАТУРА çулталăкĕ чăвашсемшĕн пысăк паллăпа _ "Нарспи" поэма авторĕ Константин Иванов çуралнăранпа 125 çул çитнипе тỹр килнĕрен, республикăра ăна паллă поэтăмăр ячĕпе ирттерме йышăннă. Ку тĕлĕшпе пирĕн районта та çĕнĕ çул хыççăнах "пăр" тапраннă темелле. Хальхи вăхăтра кашни шкулта тенĕ пекех тĕрлĕрен мероприяти йĕркелеççĕ, викторинăсем, конкурссем ирттереççĕ тата ытти те. Çакăнпа пĕрлех тутар шкулĕсемпе вулавăшсенче те поэтăмăра хисеп туса куравсем йĕркеленине ырламалла çеç. Çак кунсенче сăмахран, Шăнкăртам ял библиотекинче кашни вулакан чăваш поэзийĕн никĕслевçин К. Ивановăн ытти кĕнекисемпе пĕрлех тĕнчипе паллă поэмине те алла тытса шĕкĕлчеме пултарнă.
Источник: "Авангард" (газета Батыревского района)