05 апреля 2014 г.
"Сывă пурнăç йĕркишĕн" пыракан акцие хутшăнса Шăнкăртамри пĕрремĕш вăтам шкулти 8а класра "Компьютер тата вĕренекенсен сывлăхĕ" темăпа класс сехечĕ иртрĕ. Унта электронлă техникăн уссипе сиенĕ çинчен калаçу пычĕ. Вĕренекенсем Солон философ сăмахĕсене аса илчĕç.
Компьютерпа усă курнă чухне лайăх енсем пурах. Анчах унпа "туслашас" тесен хăш-пĕр кирлĕ самантсене манмалла мар. Ачасене талăкра 1-1,5 сехет ларни çителĕклĕ. Компьютер вырнаçнă пỹлĕме уçăлтарса тăмалла. Пукан çинче тỹрĕ лармалла. Монитортан куçсем 70 сантиметрта пулмалла. Кашни 10 минутра куçсене кантарса илмелле. Хул-çурăм упражненийĕсем туни те вырăнлă. Уçă сывлăша тухма та манмалла мар.А. ИВАНОВА
Источник: "Авангард" (газета Батыревского района)