17 января 2007 г.
Çĕньялти культура çуртĕнче ăс-хакăл çутлăхĕн çулталăкĕ вĕçленнĕ май тата “Илем” халăх фольклор ушкăнĕ 15 çул тултарнă тĕле йĕркеленĕ концерт пулчĕ.
Кас хушшинче пылчăк çăрăлни те, клубра сивĕ пулни те хăратмарĕ ял халăхне. Фольклор ушкăнне Çĕньял ял тăрăхĕн пуçлăхĕ Г.Петров саламларĕ. Шкул ачисем те аслисене хисеп тума килнĕ. “Илем” ушкăн ертÿçи В.Антонов юрлама çÿрекенсенчен чи аслисене парне парса савăнтарчĕ. Юрăсене халăх алă çупса йышăнчĕ. Концерт программи çĕнелсе пыни те хавхалантарчĕ. Сцена çинчи артистсемпе пĕрле ташша яракансем те пулчĕç. Купăс сасси чун-чĕрене хускатрĕ. Çакă культура вучахĕ сÿнменнине кăтартакан паллă пулчĕ.
Источник: "Авангард" (газета Батыревского района)