16 ноября 2018 г.
Çĕньялти пĕтĕмĕшле пĕлỹ паракан тĕп шкулта йывăр атлетика енĕпе ăмăрту иртрĕ. Унта Алманчăри, Çĕньялти пĕтĕмĕшле пĕлỹ паракан, Нăрваш Шăхалĕнчи, Турханти вăтам, Упамсари пуçламăш шкул-садра вĕренекен 50 ача ытла хутшăнчĕ.
Кĕрешỹçĕсене Çĕньял ял тăрăх пуçлăхĕ М. Мадюкова, шкул директорĕн ĕçĕсене вăхăтлăха пурнăçлакан А. Сымов, йывăр атлетика федерацийĕн районти обществăлла организацийĕн председателĕ И. Кисеев, ăмăртăвăн тĕп судйи А. Смирнов, йывăр атлетика енĕпе СССР спорт мастерĕ А. Давыдов саламларĕç.
Хăйсен виçе категорийĕсенче В. Кистоль, М. Митрофанова, К. Шайманова, А. Ермолаев, Л. Афанасьев, П. Павлов (Нăрваш Шăхалĕнчи вăтам шкул, тренер-преподавателĕ Н. Трифонов), Е. Живова, К. Сымова, Д. Иванова, Т. Вазюков (Çĕньялти, Турханти шкулсенче вĕренекенсем, тренер-преподавателĕ А. Смирнов), А. Каруев, Д. Павлов, П. Леонтьев (Алманчă спортсменĕсем, Н. Зимин) çĕнтерỹçĕсем пулчĕç.
Мала тухнисемпе призерсене дипломсемпе медальсем (ачасемпе çамрăксен ФСК "Паттăр" спорт шкул дирекцийĕн), йывăр атлетика федерацийĕпе "Уют" пĕрлешỹ çирĕплетнĕ парнесене парса чысларĕç.
Источник: "Авангард" (газета Батыревского района)