22 мая 2018 г.
Чăваш наци библиотекинче СССР халăх артистки В. Кузьмина ячĕпе илемлĕ вулав конкурсĕ иртрĕ. Унта Çĕньялти пĕтĕмĕшле пĕлỹ паракан тĕп шкулти Айхи мăнукĕсем те хутшăнчĕç. 4 класри К. Нестерова Г. Айхин "Çын мĕскершĕн çуралать", 5 класри Д. Егоров Н. Исмуковăн "Лаштра йăмра", 3 класри А. Карлинова Р. Сарпин "Чăвашăн ыр йăла нумай" сăввисене вуласа пĕрремĕш степеньлĕ лауреатсем пулчĕç. Кристинăпа Данил çак чыса тăваттăмĕш хут тивĕçрĕç.
В. Кузьминапа ЧР тава тивĕçлĕ артисчĕ, конкурс пуçаруçи В. Григорьев ачасен кăмăлĕсем искусство енне туртăннине палăртрĕç.
В. ЕРЕМЕЕВА, В. НИКИТИНА.
Источник: "Авангард" (газета Батыревского района)