Публикации » Чăваш чĕлхи вĕрентекенĕсем _ çĕнтерỹçĕсем

14 октября 2016 г.

 Педагогика ĕçĕнче çĕнĕ меслетсемпе тата мелсемпе ĕçлекен пултаруллă учительсене тупса палăртас, вĕсен творчествăлла пултарулăхне ыттисене пропагандăлас тĕллевпе Чăваш Республикинчи Ĕç çынни çулталăкне халалласа "Чăваш чĕлхипе литератури. Уçă урок тата класс тулашĕнчи чи лайăх ĕç" республика шайĕнчи конкурсăн иккĕмĕш тапхăрне пĕтĕмлетнĕ. Пысăк тупăшăва пирĕн районти хастар вĕрентекенсем те хутшăннă. Ыхра Çырминчи вăтам шкулти С. П. Кулаковапа Çĕньял шкулĕнчи М. И. Мадюкова тĕрлĕ номинацире палăрса çĕнтерỹçĕ ята тивĕçнĕ. Вăл çеç те мар-ха. Тăван чĕлхе учительницисен ĕçĕсем "Чăваш чĕлхи тата литератури, тĕпчев тата меслетлĕх" сборникра кун çути курнă. Апла пулсан унпа ытти ĕçтешĕсем те паллашма пултараççĕ.

Источник: "Авангард" (газета Батыревского района)