05 августа 2016 г.
Пирĕн районта çĕр пайĕпе усă курса тĕрлĕрен пахча çимĕç çитĕнтерекенсем çулсеренех йышланса пыраççĕ. Çакă, паллах, усă курман çĕрсене ĕçе кĕртме, хыт-хураран тасалма, çĕрпе тупăшлă та тухăçлă усă курма май парать. Анчах та хăш-пĕр долевиксем хăйсене тивĕçнĕ лаптăксем çинче вăрман евĕр çум курăк ỹстерни килĕшỹсĕр çеç мар, пĕтĕмĕшле йĕркене пăхăнманни те. Çакнашкал çĕр пайĕсем "Россельхознадзор" сотрудникĕсен куç тĕлне лексен çылăхлисене асăрхаттарнипе çеç ĕç-пуç вĕçленмест. Çак кунсенче çеç асăннă служба ĕçченĕсем Çĕньял ял тăрăхĕнчи 12 долевик ячĕпе протокол çырса штрафланă. Вĕсенчен пĕри вара хăйĕн йăнăшне, çитменлĕхне, пулăхлă çĕр çинче çумкурăксен "ассортине" ỹстернине йышăнасшăн пулман курăнать, суда жалоба панă. Анчах унăн ĕç-пуçĕ хăй шутланă евĕр çаврăнса тухман, суд унăн ыйтăвне тивĕçтермен. . .
Источник: "Авангард" (газета Батыревского района)