22 марта 2014 г.
МАРТĂН 17-мĕшĕнче Патăрьелĕнчи Çырăнтару керменĕнче çут тĕнчене килнĕ тепĕр пепке ячĕпе свидетельство çырнă. Çăл Атăкра пурăнакан Сергей Михайловичпа Ольга Геннадьевна Агашевсен çемйине "телей кайăкĕ" виççĕмĕш хут савăнăç илсе килнĕ, килте Александрпа Вадимшăн юратнă йăмăк хутшăннă. Софья _ районшăн та паллă пике пулса юлчĕ. Вăл _ Юхмапа Пăла тăрăхĕнче кăçал çуралнă çĕрмĕш ача.
Сăмах май каласан, иртнĕ çул Хирти Пикшикри Вахитовсен йышне хутшăннă чиперккене ЗАГС пайĕнче çĕрмĕш ят хунăччĕ.
Источник: "Авангард" (газета Батыревского района)