11 декабря 2013 г.
Шкул спартакиадипе килĕшỹллĕн районти вĕрентỹ учрежденийĕсенче пĕлỹ пухакан ачасем хушшинче сĕтел çинче теннисла выляссипе ăмăртусем иртрĕç. Унта 20 команда хутшăнчĕ. Ушкăнпа вылякансенчен Çĕньялсене çитекенни пулмарĕ. Иккĕмĕш вырăна Нăрваш Шăхалĕнчи, виççĕмĕшне Первомайскинчи вăтам шкулсен командисем тухрĕç.
Пĕтĕмĕшле тĕп шкул шайĕнчисенчен Ишлĕри, Алманчăри, Первомайскинчи шкулсенчи теннис ăстисем пĕрремĕш-виççĕмĕш вырăнсене йышăнчĕç. Харкам хăйшĕн выляссипе вара Ишлĕри тĕп шкулти К. Карзаков, Çĕньялти Д. Нестеров, Туçари А. Астраханцев мала тухрĕç. Хĕр ачасенчен çĕнтерỹçĕ ятне Çĕньялти Е. Елимова, Первомайскинчи Н. Романова, Ишлĕри М. Артемьева тивĕçрĕç. Мала тухнисене дипломсемпе чысларĕç.
А. АФАНАСЬЕВ
Источник: "Авангард" (газета Батыревского района)