29 июня 2013 г.
Пирĕн шкулта та выпускниксен балĕ иртрĕ. 12 çамрăк каччăпа хĕр вăтам пĕлỹ илнине çирĕплетекен аттестат, 21-шĕ 9 класс вĕренни çинчен документ илчĕç. Вĕсенчен чылайăшĕ малалла та ăс-тăна çирĕплетесшĕн.
Уяв ячĕпе ачасене Л. Чернышова, А. Нестерова класс ертỹçисем ăшшăн саламларĕç, ăçта кайсан та тăван шкул, атте-анне ятне çỹлте тытма сĕнỹ пачĕç.
Кашнийĕ шкул пурнăçĕнчи аса илỹ ытамне кĕрсе ỹкрĕ. Пĕрремĕш "иккĕ" палла илнине манман-и, хăш предмет ытларах килĕшет, конкурссене, олимпиадăсене хутшăнни мĕнле йĕр хăварнă тата ытти те.
Выпускниксем асăнмалăх сăн ỹкерттерчĕç. Ирхи шуçăма ушкăнпа кĕтсе илчĕç.
М. МАДЮКОВА. Çĕньял.
Источник: "Авангард" (газета Батыревского района)