Публикации » Ăшă сăмах – чĕрешĕн чухах

15 августа 2012 г.

Юлашки вăхăтра суд приставĕсен кăткăс та йывăр ĕçĕ пирки массăллă информаци хатĕрĕсенче час-часах пĕлтереççĕ. Ĕçлекенсен теветкеллĕхĕ чăннипех пысăк. Çак енсене шута илсех пулĕ Раççей федераллă суд приставĕ хăйсен ĕçне тÿрĕ чунпа пурнăçласа пыракансен ашшĕ-амăшне ачисене тивĕçлĕ воспитани парса çитĕнтернĕшĕн, тĕрĕс çул суйласа илме пулăшнăшăн тав çырăвĕсем ярать. Нумай пулмасть ăшă сăмахлă йĕркесене Тури Тăрмăшри Вера Алексеевнапа Анатолий Иванович Антоновсем те илсе вуланă. Вĕсен ывăлĕ – Александр Анатольевич Чăваш республикинчи асăннă служба Управленийĕн ятарлă уйрăмĕнче виççĕмĕш çул çеç ĕçлет-ха. Апла пулин те вăл пысăк хисеп çĕнсе илме пултарнă.

Источник: "Авангард" (газета Батыревского района)