20 ноября 2018 г.
«Чăваш Республикин ĕç ветеранĕ» ятне илме тивĕç пулни савăнтаратех ĕнтĕ. Кĕçĕн Патăрьелĕнчи Н. Красновăн та ку енĕпе хĕпĕртемелĕх пур. Тăрăшуллă ĕçпе тивĕçнĕ Николай Иванович çак ята. Вăрнарти ял хуçалăх техникумĕнчен вĕренсе тухнă хыççăн ял хуçалăх управленийĕнче ĕçе пуçăннă. Унтан Патăрьелĕнчи професси паракан училищĕре 16 çул вĕрентỹ хуçалăхне ертсе пынă. Преподаватель пулса 9 çул ачасене вĕрентнĕ.
Спортпа туслă пулни вара вĕренекенсене те сывă пурнăç йĕркине хăнăхтарса пыма май панă. Н. Краснов училищĕре алă вăй виçме, штанга, кире пуканĕ йăтма хăнăхма вĕрентекен секцисене ертсе пынă. 6 çул «Паттăр» стадион «хуçи» пулнă.
Хĕрпе ывăл çитĕнтернĕ мăшăрĕпе Красновсем. 3 мăнукĕпе савăнать ветеран.
А. ИВАНОВА
Источник: "Авангард" (газета Батыревского района)