27 марта 2018 г.
Мĕн ĕлĕкренех çемьере ывăл çуралсан салтака кайма юрăхлă пултăр тесе пилленĕ. Треньелĕнче пурăнакан Тарасовсем те хăй вăхăтĕнче çаплах тунă. Пĕлтĕр Сергей Алексеевичпа Александра Алексеевна тăванĕсемпе пĕрле ачине сĕт çулĕпе кайса çу çулĕпе килме сунса салтака ăсатнă. Нумай пулмасть вара Алексей тăракан çар чаçĕнчен ырă хыпар çитнĕ. Унăн командирĕ И. Егоров полковник Треньел каччи служба вăхăтĕнче хăйне лайăх енчен çеç кăтартнине, салтак тивĕçне тулли кăмăлпа пурнăçланине, юлташĕсемшĕн тата службăра пĕрле тăракан ытти ачасемшĕн те тĕслĕх вырăнĕнче пулнине пĕлтернĕ. Сергей Алексеевичпа Александра Алексеевнăна çĕршыва юрăхлă ывăл çитĕн-тернĕшĕн тав тунă, малашне те вăл чăн-чăн гражданин пуласса, çывăх çыннисем патне тимлĕх уйăрасса шаннине çырнă.
О. ПАВЛОВА
Источник: "Авангард" (газета Батыревского района)