Публикации » Депутат сăмахĕ çирĕп, çилпе вĕçмен

12 декабря 2017 г.

Районти депутатсен Пухăвĕн депутачĕ И. Соловьев Тăрăн ялĕнчи граждансене хăйсен ыйтăвĕпе йышăннă кунхине Сад тата Çĕнĕ урамсене тепринпе çыхăнтарса тăракан вырăнта кĕпере юсас ыйтăва темиçе çын та хускатнă. Ял çыннишĕн вăл пысăк пĕлтерĕшлĕ-çке. "Халăх тарçи" сăмаха çилпе вĕçтермен. Унтанпа пĕр-икĕ эрне çеç иртнĕ пулин те, Тăрăнсем çак кĕпере пахалама та пултарчĕç. Петр Думилин ял старости тата Юрий Краснов ял тăрăхĕн депутачĕ йĕркелесе пынипе шутлă кунсенчех икĕ каçмана та çĕнетнĕ. Строительство материалĕсемпе вара "Агрофирма "Исток" общество (ертỹçи А. Илюткин) тивĕçтернĕ.

Источник: "Авангард" (газета Батыревского района)