07 июля 2017 г.
Тăрăн ял тăрăх депутачĕн Михаил Зайцевăн пуçарăвĕпе кăçалхипе виççĕмĕш хут Треньелсем футбол кунне пуçтарăннă. Спорт уявне ватти те, вĕтти те хастар хутшăннă. Сăмах май каласан, ялта арçынсем çак вăйăпа "чирлени" çур ĕмĕр ытла та. Малтан вĕсем хăйсем пĕр-пĕринпе ăмăртнă, каярахпа вăййа кỹршĕ ялсене те явăçтарнă. 1985 çултанпа вара вĕсем хăйсен командине йĕркеленĕ. Çавăнтанпа ял спортсменĕсем район чемпионачĕсенче те тăтăшах пысăк хастарлăх кăтартаççĕ. Вунă çула яхăн ĕнтĕ республика шайĕнчи турнирсем те Треньелсен футбол уйĕнче иртеççĕ.
Хальхи футбол кунне те хастарсем чăн-чăн уяв пекех йĕркеленĕ. Малтанах шăпăрлансенчен пуçласа аслă çулхисем таранчченех эстафетăна старта тăнă, уявăн тепĕр пайĕнче футболла вылянă. Вăйăра "Треньел", "Кооператив", "Юниоры" командăсем пĕрремĕш вырăна çĕнсе илнĕ.
Источник: "Авангард" (газета Батыревского района)