04 июля 2017 г.
Çынсем хăйсен телейне тĕрĕслеме лотерея туянннине сахал мар илтнĕ-ха. Тен, чăнах та вăл ăнсăртран йăл кулĕ? Çакнашкал ĕмĕтпех Кĕçĕн Патăрьелĕнчи Александр Смирнов та "Хыпар" издательство çурчĕ йĕркелекен лотерея вылявне хаваспах хăтшăннă. Маларах вара вăл условипе килĕшỹллĕн республикăра тухса тăракан чăваш халăхĕн хаçатне 2017 çулхи иккĕмĕш çур çулта илсе тăма çырăннă. Хакĕ, паллах, ял çыннишĕн йỹнех мар. Çапах та выляв итогĕпе хаçат тусĕн ỹкĕнмелли çук, савăнăçĕ вара виçесĕр. Александр Ивановичăн çемйи мотоблок выляса илнĕ! Хальхи вăхăтра çынсем килти хуçалăхра анлăн усă куракан хурçă "ут" Смирновсемшĕн пысăк парне çеç мар, кирлĕ ĕç хатĕрĕ те. Малашне вĕсем пахча çимĕç акса-лартса илнĕ чухне хаçат парнипе тухăçлă усă курĕç.
Источник: "Авангард" (газета Батыревского района)