20 июня 2015 г.
Ашшĕ-амăшĕшĕн чи ăшă хыпар вăл _ ачи-пăчи пирки ырăпа калани. Нумай пулмасть Тăрăнта пурăнакан Васильевсем ывăлĕ службăра тăракан çар чаçĕн командирĕн тивĕçĕсене пурнăçласа пыракан С. Чупин подполковникран çыру илнĕ. Унта Илья çар ĕçне хăвăрт хăнăхнине, юлташĕсене йывăрлăхра пăрахманнине, таса чунлă, дисциплинăллă салтак, ыттисемшĕн ырă тĕслĕхлĕ пулнине, обществăлла ĕçсене хастар хутшăннине, вĕренỹре палăрнине пĕлтернĕ. Владислав Васильевичпа Наталья Ивановнăна ырă чунлă, маттур ывăл пăхса ỹстернĕшĕн тав тунă. Илья кайран та хăйĕн сумлă ятне çỹлте тытасса шаннине пĕлтернĕ. (Хамăр корр.).
Источник: "Авангард" (газета Батыревского района)