11 июня 2014 г.
Тăван çĕр-шыв, чунтан саватпăр
Сан илемне, сан ырлăхна.
Сан ăшшуна чунпа туятпăр,
Çĕклетпĕр сан пуянлăхна.
Тăван çĕр-шыв, тăван кĕтесĕм,
Кунта эп ỹсрĕм çитĕнсе;
Тăван çĕр-шыв, эс ман тĕрекĕм,
Мĕн пур çут шанчăк сан çинче.
Тăван çĕр-шыв, Раççей мухтавĕ,
Упра эс хăвăн халăхна.
Пулсамччĕ паттăр, чĕрĕ, сывă,
Ан çухатсам мăнаçлăхна.
Тăван çĕр-шыв _ Раççей хăвачĕ,
Нихçан пĕтми таса çăл куç.
Çĕр-шывăн шанчăклă çуначĕ,
Тăван çĕр-шыв _ аннемĕр Руç.
Тăван çĕр-шыв, санра куратăп
Раççейĕн ыранхи кунне.
Хам чĕрере сана упратăп,
Сан телейне, сан çутă ирĕкне.
Леонид ЛЯЛЬКИН
Источник: "Авангард" (газета Батыревского района)