07 июня 2014 г.
АЧАСЕНЕ хỹтĕлемелли кун умĕн Юхмапа Пăла тăрăхĕнче тепĕр "çĕнĕ кайăк" хутшăннă. Хальхинче Кĕçĕн Патăрьелĕнчи Сергей Ивановичпа Лидия Владимировна Рубцовсем районăн истори страницинче çырăнса юлчĕç. Çут тĕнчене килнĕ Полина _ çемьере иккĕмĕш, районта вара ача çуратакан уйрăмра сас панă ик çĕрмĕш пепке. Пысăк савăнăç ячĕпе ашшĕпе амăшне çырăнтару керменĕн пуçлăхĕ Н. Емелина, республикăри юстици министрĕн çумĕ Г. Чернова саламланă, çемьене телей, ăнăçу, пысăк юрату суннă.
Сăмах май каласан, пĕлтĕр те ик çĕрмĕшне календарьти паллă кун регистрациленĕ. Ун чухне Раççей кунĕнче ЗАГС пайĕн специалисчĕсем çак сăлтавпа Туçари Углевсен çемйине саламланă.
Источник: "Авангард" (газета Батыревского района)