20 июля 2013 г.
ХУСАНТИ Универсиада вĕçленчĕ пулин те, пысăк ăмăртури хавхалану туйăмĕсем лăплансах çитмен-ха.
Ку тĕлĕшпе пирĕн те Ирина Юманова çитĕнĕвĕпе мăнаçланма сăлтавĕ пысăк. Çирĕм çухрăма хăвăрт утса кĕмĕл медаль çĕнсе илме пултарнă спортсменкăшăн тăванĕсемпе, çывăх çыннисемпе пĕрлех пин-пин çын хĕпĕртерĕ.
Чиперкке хăй те парăмра юлмарĕ. Аслă вăййа хупичченех тăван ялне (Треньелне) васкаса çитрĕ. Килти севок ани çинчех ăна юратнă амăшĕ çеç мар, Патăрьелĕнчи "Паттăр" спорт шкулĕн директорĕ А. Краснов тата Н. Паймуллин аслă тренер ăшшăн саламланă, Патăрьелсен ят-чысне çỹле çĕкленĕшĕн тав тунă, асăнмалăх парне панă.
Источник: "Авангард" (газета Батыревского района)