19 июня 2013 г.
Район администрацийĕ çумĕнчи çул çитмен ачасемпе ĕçлекен комисси членĕсем час-часах ытти органсемпе пĕрле вырăнсене тухса çул çитмен ачасен пурнăçĕпе кăсăкланаççĕ, ăнăçсăр çемьесенче пулса вĕсен ыйтăвĕсене тĕпчеççĕ тата ытти те. Çак кунсенче районти халăха социаллă пулăшу паракан центрăн пай пуçлăхĕ В. Думилина, çул çитмен ачасемпе ĕçлекен комисси секретарĕ М. Кошкина, ачасене усрава илес енĕпе ĕçлекен секторăн тĕп специалисчĕ И. Платонова, Тăрăн ял тăрăхĕнчи депутатсемпе культура ĕçченĕсем хутшăннипе пĕрлехи лару ирттернĕ. Ларура вырăнта алкоголизма хирĕç кĕрешес, ăнăçсăр çемьесенчи ыйтусене тĕпчесе татса пама пулăшас, ялсенчи урамсене тирпейлес тата ытти проблемăсене те хускатнă.
Источник: "Авангард" (газета Батыревского района)