Публикации » Андрей Думилин – чăн-чăн талант!

14 марта 2012 г.

Тăрăнта çуралса ÿснĕ А. Думилин хальхи вăхăтра Шупашкарти культурăпа çутĕç училищинче 3-мĕш курсра вĕренет. Çак каччăн пултарулăхĕ иксĕлми тейĕн. Ахальтен мар ĕнтĕ вăл Президент стипендине илме тивĕçнĕ. Çамрăк ентешĕн сцена çинчи ăсталăхĕ çулсеренех ÿссе пыни кăмăллă. Пĕлтĕр Андрей “Вирьял шевлисем” чăваш эстрада юррисен регионсем хушшинчи фестивалĕнче гран-при çĕнсе илнĕ. Вăлах – “Кĕмĕл сасă” конкурс лауреачĕ те. Каччăшăн кăçал та тепĕр çĕнтерÿ хатĕр.Тĕп хуламăрта йĕркеленĕ “На крыльях таланта” конкурс-фестивальте “Вокалпа инструментсен ансамблĕ” номинацинче 2-мĕш степеньлĕ лауреат ятне çĕнсе илнĕ. Унăн юррисене куракансем тăвăллăн алă çупса йышăннă.

Источник: "Авангард" (газета Батыревского района)