Публикации » Тăрăн хĕрĕ – Раççей Президенчĕн стипендиачĕ

21 декабря 2011 г.

ТĂРĂН чиперкки Анастасия Алексеева Патăрьелĕнчи пĕрремĕш вăтам шкултан ылтăн медальпе вĕренсе тухнă. Чăваш Патшалăх университечĕн химипе фармацевтика факультетĕнче те (5-мĕш курс студентки) лайăх паллăсемпе çеç ĕлкĕрсе пырать. Пулас магистр наукăпа тĕпчев обществин активлă членĕ, тĕрлĕрен кăткăс рефератсем ха-тĕрлесе конкурссенче хăйĕн вăйне, пултарулăхне тĕрĕслет. Творчествăри ăсталăхне кура Настя пĕлтĕр Чăваш элтеперĕн стипендине пĕр çулталăк илсе тăчĕ. Кăçал вара уншăн тепĕр пысăк савăнăç. Вăл Раççей Президенчĕн стипендиачĕн пултаруллă çамрăксене пулăшма паракан премине илчĕ. Çак пысăк хисепе республикăри аслă вĕренÿ заведенийĕсенче пĕлÿ пухакансенчен пурĕ те çиччĕн кăна тивĕçнĕ.

Источник: "Авангард" (газета Батыревского района)