13 августа 2011 г.
Иртнĕ шăматкунпа вырсарникун Треньелĕнче масар йĕри-тавра карта тытассипе ыр кăмăллăх субботникне йĕркеленĕ. Стройматериалсене туянма ял халăхĕ малтанах укçа пуçтарнă. Сăваплă ĕçе вырăнти администраци работникĕсем, культура, библиотека ĕçченĕсем йĕркеленĕ, ертсе пынă. Уйрăм хастарсем те пысăк пулăшу панă. Сăмахран, “Возрождение” тулли мар яваплă общество (ертÿçи Н.Кошкин) масарти тата ун йĕри-таврашĕнчи çÿп-çапа кăларма, стройматериалсене илсе килме пулăшнă. Сăваплă вырăна тирпейлеме ял халăхĕ те хастар хутшăннă.
Источник: "Авангард" (газета Батыревского района)