08 июня 2011 г.
Шупашкарти олимп резервĕсем хатĕрлекен вĕрентÿ учрежденийĕнче ăс пухакан Треньел каччи К. Фролов çитĕнÿсем тусах тăрать. Нумай пулмасть вара Кирилл Раççей Федерацийĕн Президенчĕн “Талантлă çамрăксене патшалăх енчен пулăшасси” указпа килĕшÿллĕн вĕрентÿпе наука министрĕ А. А. Фурсенко паракан “Талантлă çамрăксене пулăшса паракан премин лауреачĕ” диплома тивĕçнĕ.
К. Фролов кăçал 11 класс пĕтерет, çавна май Патшалăхăн пĕрлĕхлĕ экзаменĕсене тытать. Пĕрлех Саранск хулинче иртекен пысăк шайри ăмăртăва та хатĕрленет.
Источник: "Авангард" (газета Батыревского района)