02 апреля 2011 г.
Пĕтĕм тĕнчери чăваш эстрада юррисен “Кĕмĕл сасă” фестиваль-конкурсĕ кăçалхипе вун иккĕмĕш хут иртнĕ. Унта хамăр республикăри яшсемпе хĕрсемсĕр пуçне Пушкăрт, Тутар Республикисенчи, Мурманск, Саратов, Чĕмпĕр, Тюмень облаçĕсенчи çамрăксем те хутшăннă. Уçă саслă пикесемпе каччăсем çĕнтерÿçĕ ята тивĕ-çессишĕн хĕрÿ тупăшнă.
“Кĕмĕл сасă” конкурсăн пĕрремĕш степеньлĕ лауреат ятне пирĕн район каччи А.Думилин тивĕçнĕ. Андрей Тăрăнта çуралса ÿснĕ. Фестивальте юрă ăстисене тĕрлĕрен номинацисемпе те хакланă. Малашне юрă çыртарма “Аксар” студи хăш-пĕр çамрăка сертификат та панă. Ку чыса вара Пăлапуç Пашьелĕнчи О.Храмова тивĕçнĕ.
Источник: "Авангард" (газета Батыревского района)