Публикации » Святойсен таса ÿчĕсен пайĕсене вырнаçтарнă мощевик – Тăрăн чиркĕвĕнче

09 июня 2010 г.

Хăй чĕрĕ чухне Анатолий атте Патăрьелĕнче Державнăй Турă Амăшĕн ячĕпе тăвакан чиркÿ валли святойсен таса ÿчĕсен пĕчĕк пайĕсене вырнаçтарнă ковчег-мощевик илсе килнĕч-чĕ. Халĕ ăна Патăрьелĕнчи çĕнĕ чиркĕве хута яриччен вăхăтлăха упрама Тăрăн чиркĕвне вырнаçтарнă. Мощевик çинче 92 святойăн таса ÿчĕсен пайĕсем. Ытларахăшĕ – Киеври святойсен ÿчĕнчен илнĕскерсем. Турă хăватне упракан çак таса япаласене (чиркÿ реликвийĕсене) Анатолий аттене Мускавра тĕн семинарийĕпе академийĕнче пĕрле вĕреннĕ Украинăри Вышгород хулин архиепископĕ Павел владыка пиллесе парнеленĕ.

Источник: "Авангард" (газета Батыревского района)