30 июня 2022 г.
АНАТ Туçара пурăнакан Иван Константиновичпа Светлана Ивановна Перепелкинсем çак кунсенче çемьери чи пысăк паллăна - ылтăн туйне - паллă турĕç. Ĕçчен те кăтартуллă мăшăр 50 çул пĕр-пĕрне хисеплесе, ăнланса пурăнать. Вĕсем иккĕшĕ те ĕмĕр тăршшĕпех хуçалăхра тăрăшнă: çемье пуçлăхĕ - механизаторта, кил хуçи хĕрарăмĕ, виçĕ ача амăшĕ - склад заведующийĕнче. Тỹрĕ кăмăллă ĕç ветеранĕсем ял-йышра та, тăванĕсем хушшинче те хисеплĕ. Юбилей ячĕпе вĕсене Туçа ял тăрăхĕн пуçлăхĕн çумĕ Алена Мальцева саламланă, пархатарлă ĕçшĕн тав тунă, малашнехи пурнăçра сывлăх, çемье телейĕ суннă.
Источник: "Авангард" (газета Батыревского района)