13 августа 2021 г.
Çулталăкăн кирек хăш вăхăчĕ те лайăх. Çавах ачасене çулла ытларах килĕшет. Килениччен канма, экскурсисене çỹреме, ĕçе хăнăхма, хĕвелпе хĕртĕнме пулать. Тăраниччен выля та кул.
Тутар Тимешĕнчи библиотека пунктне çỹрекенсем çакна тĕпе хума тăрăшаççĕ те. Пĕр кунхине вĕсем "Присурский" заповедникне çул тытрĕç. Кунта вĕсене аслă наука сотрудникĕ Миназым Рахматуллин кĕтсе илчĕ. Вăл ачасене заповедник пирки тĕплĕн каласа пачĕ. Унти ỹсен-тăранпа, чĕр чунсен тĕнчипе паллаштарчĕ. Ачасем экологи сукмакĕпе сăвăрсем патнех çитрĕç. Вĕсен пурнăçĕпе тĕплĕнрех паллашрĕç. Сăнав хатĕрĕсемпе чĕр чунсене çывăххăн курчĕç.
Çул çỹрев интереслĕ иртрĕ.
А. КАПИТОНОВА
Источник: "Авангард" (газета Батыревского района)