12 февраля 2021 г.
ТУÇАРИ вăтам шкулта çулсеренех февралĕн пĕрремĕш шăматкунĕнче кунтан вĕренсе тухнисем валли ятарласа "Уçă алăк кунне" йĕркелесси ырă йăлара. Çак уявран çĕршер выпускник хавхалану, вăй-хал илсе кайнă. Пĕрлех хăйсене вĕрентнĕ хисеплĕ учительсемпе, пĕрле вĕреннĕ тус-тантăшĕсемпе тĕл пулнă, ырă аса илỹпе киленнĕ тата ытти те. Коронавирус пандемийĕ çак киленĕçе пурнăçа кĕртме памарĕ пулин те, Туçари вăтам шкул ăна сарăмсăр çеç ирттерсе яман, выпускниксем Интернет тетелĕнчи "Одноклассники" ушкăнта, Ютубри "Тойси" каналта кунĕпех тĕрлĕ çулта ỹкернĕ "Привет выпускникам" клипа пăхса киленме пултарнă. Çапла вара онлайн тĕл пулăва та çĕршер выпускник хутшăннă.
Источник: "Авангард" (газета Батыревского района)