10 августа 2018 г.
Çак кунсенче Етĕрне районĕнчи Совхозный поселокра Пĕтĕм Раççейри "Чăваш Ен Кубокĕ" лаша ăмăртăвĕ иртнĕ. Кăçалхипе тăваттăмĕш хут йĕркеленĕ урхамахсен ăмăртăвне Тутарстанри, Пушкăртстанри, Чĕмпĕр облаçĕнчи, Мускаври тата Раççейĕн ытти регионĕнчи чи лайăх юлан утçăсем хутшăннă. Вĕсене хавхалантарма та 3 пин ытла çын пуçтарăннă.
"Чăваш Ен Кубокĕшĕн" 21 лаша старт илнĕ. Малтанах спортсменсем виçшерĕн ушкăнсем çине пайланса ăмăртнă. Ун хыççăн вара ылтăн, кĕмĕл, пăхăр кубоксене çĕнсе илессишĕн тупăшнă. Çĕнтерỹçĕсен ушкăнне пирĕн районти Анатолий Каргин (Кивĕ Ахпỹрт) та лекнĕ. Анатолий Антонович Гамлет урхамахĕпе финиша иккĕмĕш кĕнĕ, çивĕч кĕрешỹре кĕмĕл кубока çĕнсе илнĕ.
Источник: "Авангард" (газета Батыревского района)