16 марта 2018 г.
Чăваш Енри Пенси фончĕн кăтартăвĕсенчен республикăра 80 çултан иртнисем çултан-çул ỹссе пыни кăмăллă. Паянхи куна çĕр пин юрă тата çĕр пин тĕрĕ çĕршывĕнче пĕр ĕмĕр урлă каçнă 65 çын пурăнать. Вĕсенчен 62-шĕ - чăтăмлă та пултаруллă хĕрарăмсем.
Çĕр çул тултарнă çынсенчен чылайăшĕ -11-шĕ - тĕп хуламăрта тымар янă. Ку тĕлĕшпе пирĕнпе кỹршĕллĕ Елчĕксем те мăнаçланма пултараççĕ. Унта ултă ватă 100 çулхи юбилейне паллă тунă. Юхмапа Пăла тăрăхĕнче вара паян республикăри чи-чи ватă çын пурăнни кăмăллă. Чăваш Ишекĕнчи Дария Михайловна Калинникова нарăс уйăхĕнче104 çул тултарнă! Пĕр ĕмĕре хыçа хăварнисем пурĕ 3ĕн. Пăлакассинчи П. Сурковăпа Тутар Сăкăтĕнчи Р. Азизова та иртнĕ ĕмĕрте кун çути курнă хисеплĕ хĕрарăмсем.
Сăмах май каласан, Раççейре 7 пин ытла çын 100 çултан иртнĕ.
Источник: "Авангард" (газета Батыревского района)