16 июня 2017 г.
Пĕр-пĕрне пĕлес тесен çур пăт тăвар çимелле, теççĕ халăхра. Анат Туçари Мясниковсем ăна çакăн чухлĕ усă курнах. Николай Ивановичпа Валентина Матвеевна пĕрлешнĕренпе çур ĕмĕр çитет. Мăшăр тăрăшуллă ĕçпе пиçĕхнĕ. Тăватă хĕр пăхса çитĕнтернĕ. Вĕсем пĕринчен тепри матур. Виççĕшĕ Мускавра, пĕри Самарăра тĕпленнĕ. Ăрăва малалла тăсакан 4 мăнук çитĕнтереççĕ.
Николай Иванович мĕн тивĕçлĕ канăва тухичченех водительте ĕçленĕ. Мăшăрĕ вара _ ветеринари ĕçченĕ. Туçари участокра вăл пĕр улшăнмасăр 37 çул вăй хунă. Маларах Патăрьелĕнче пĕр çул, хăй çуралнă ялта _ Треньелĕнче _ икĕ çул ĕçе хăнăхнă.
Источник: "Авангард" (газета Батыревского района)