07 октября 2016 г.
КИВĔ АХПỸРТРЕ çуралса ỹснĕ Алексей Мальцева ача чухнех физкультурăпа çывăхланса хул-çурăма тĕреклетни çулсем хушăнса пынăçемĕн те пулăшса пырать. Шупашкарти аслă шкулта вĕреннĕ чухне те каччă спорт аренинчен кайман. Çакă вара салтак тумне тăхăнсан та шăпах вырăнлă пулнă.
Паян Алексей Юрьевич Шупашкарти çул-йĕр патшалăх инспекцийĕн инспекторĕнче тăрăшать. Гаишник çĕнĕ ĕçе нумай пулмасть çеç пикеннĕ пулин те спортри пултарулăхне кăтартма та ĕлкĕрнĕ. Çак кунсенче спортсмен тĕп хуламăрта йĕркеленĕ чемпионатра хăйĕн виçе категорийĕпе помост çине кĕрешме тухса черетлĕ медале çĕнсе илнĕ.
Сăмах май каласан, хисеплĕ парне унăн пухмачĕнчи 35-мĕш медаль пулчĕ. Çакна та палăртса хăвармалла. Каччă хăйне спортăн ытти енĕпе те аталантарать. Сăмахран, алă вăйне виçессипе районти, республикăри ăмăртусене тăтăшах хутшăнать çеç мар, час-часах пьедестал çине те тухать.
Источник: "Авангард" (газета Батыревского района)