14 ноября 2015 г.
ТУÇАРИ вĕренỹ çурчĕ çитес уйăхра хăйĕн 175 çулхи юбилейне паллă тума хатĕрленет. Çак хушăра шкултан пиншер ача вĕренсе тухса пурнăç çулĕ çине тухма ĕл- кĕрнĕ. 400 ытла вĕрентекен вăй хуни те паллă. Шкул хăйĕн выпускникĕсемпе _ ученăйсемпе, педагогсемпе, инженерсемпе, çар çыннисемпе, спортсменсемпе, врачсемпе тата ыттисемпе те _ тивĕçлипех мухтанать.
Шкулта халĕ хăнасене кĕтсе илес енĕпе хатĕрленỹ ĕçĕсем пыраççĕ. Спорт зала тĕпрен юсанă-ха. Ачасем кĕркуннехи каникулта чухне коридор стенисене, маччана çĕнĕрен сăрланă. Хăш-пĕр алăксене улăштарнă. Ĕçĕсем татах та пур. Ушкăн вăйĕпе тирпей-илем тăвассине вĕçлесшĕнех кунти коллектив.
Источник: "Авангард" (газета Батыревского района)