Публикации » Валентина Щукина – тава тивĕçлĕ зоотехник

22 февраля 2013 г.

РЕСПУБЛИКА элтеперĕн иртнĕ эрнери хушăвĕпе килĕшÿллĕн Анат Туçари “Звезда” кооперативăн тĕп зоотехникне Валентина Александровна Щукинана “Чăваш Республикин тава тивĕçлĕ зоотехникĕ” хисеплĕ ят панă. Хуçалăх специалисчĕ çак ĕçре çирĕм çула яхăн тăрăшать. Вăл тимленипе тата пĕлсе ертсе пынипех çак ялти выльăх-чĕрлĕх отраслĕ пĕр тикĕс аталанса пырать. Паян та хуçалăхра 393 пуç шултра выльăх. 2011 çулта кашни ĕнерен 5527 килограмм сĕт суса илнĕ. Иртнĕ çулхи кăтартусемпе те пилĕк пинлисен клубĕнчех. Унсăр пуçне кооператив ăратлă сыснасем аталантарассипе те тухăçлă ĕçлет.

Источник: "Авангард" (газета Батыревского района)