18 июля 2015 г.
АКЦИ кунĕнче Туçари врач амбулаторийĕнче Патăрьелĕнчи тĕп больницăри юн илекен уйрăмри специалистсем питĕ тухăçлă ĕçленĕ. Сиплев учрежденине ирпе-ирех донорсем пĕрин хыççăн тепри пуçтарăннă. Хăйсен ирĕкĕпе пархатарлă та ырă ĕç тума шухăш тытнисем хушшинче кăтартуллисем те сахал мар. Хальхинче те яланхи пекех И. Сатаров, Ю. Сурков, А. Киргизов, С. Алексеева ыттисемшĕн ырă тĕслĕхлĕ пулса чăн малтан хастралăх кăтартнă. Кун каçа 77 донор хăйĕн тивĕçне пурнăçланă, мĕнпурĕ вăтăр литр ытла юн пуçтарăннă.
Источник: "Авангард" (газета Батыревского района)