23 мая 2015 г.
РАЙОНТА кашни эрнерех тĕрлĕрен спорт мероприятийĕсем йышлă иртеççĕ. Вăл шутра ятарлă турнирсем те сахал мар. Акă, çитес вырсарни кун, майăн 24-мĕшĕнче, ирхине 10 сехетре Патăрьелĕнчи "Паттăр" стадионта Туçа хастарĕ, спорт ветеранĕ В. Салмин ячĕпе çăмăл атлетсем старта тăрĕç. Хальхинче вăрăмăшне чупас тĕлĕшпе хăйсен вăйне тĕрĕслес текенсем хушшинче çамрăксене кураймăр, урăхла каласан чупура çулĕсем шултăраланас енне сулăннисем, кукамай кукаçисем пулĕç. Кăсăклă та кăмăллă иртекен спорт мероприятийĕн сăлтавĕ те пур _ ăмăртăва Валерий Иванович 70 çул тултарнине халалланă. Ан ỹркенĕр, спорт ветеранĕшĕн старта тăма васкăр!
Источник: "Авангард" (газета Батыревского района)