11 марта 2015 г.
УРАМРА çуркунне хăйĕн вăйне кăтартма пикениччен Кивĕ Ахпỹртри пĕтĕмĕшле пĕлỹ паракан тĕп шкул коллективĕ Пĕтĕм тĕнчери хĕрарăмсен кунĕ умĕн пĕр çын пек пулса йĕлтĕр йĕрĕ çине тăнă. Шкул директорĕ Алексей Логунов пуçарăвĕпе ачасемпе вĕрентекенсем массăллă спорта аталантарас, йĕлтĕрпе чупас ăсталăха ỹстерес, сывă пурнăç йĕркине пропагандăлас тĕллевпе ял çывăхĕнчи хитре вырăнсемпе паллашса çичĕ çухрăм таран хыçа хăварнă. Чи кăмăлли те пахи _ мероприятие хутшăннă кашни ача финиша пысăк хавхаланупа çитни.
Сăмах май каласан, канмалли кунсенчи ăшă çанталăкра сăрт çамкисем самаях улаланчĕç. Апла пулсан, Кивĕ Ахпỹртсем юр куçран çухаличчен спорт уявне вăхăтра йĕркелесе ĕлкĕрнĕ.
Источник: "Авангард" (газета Батыревского района)