28 января 2015 г.
КУ ЧУХНЕ районти чылай ял тăрăхĕсенче çулланнă çынсем тухтăрпа юнашар утса хăйсен сывлăхне çирĕплетесси ырă йăлана кĕчĕ темелле. Сăмахран, район центрĕнчи "Паттăр"стадионта эрнере икĕ хутчен шурă халатлă специалистсемпе юнашар тăрса утакансем йышлансах пыраççĕ. Иртнĕ кĕçнерни кун та районти социаллă хỹтлĕх центрĕн ĕçченĕсем ырă тĕслĕх кăтартса пурте йĕлтĕр патаккисемпе меслетлесе утма кар тухнă. Хăйсен сывлăхне спортпа çыхăнтаракансене район больницин тĕп тухтăрĕ Г. Петрова çуран утакансене тĕрлĕрен хусканусем тума та хăнăхтарчĕ.
Кивĕ Ахпỹртре вара тухтăрпа юнашар шкул ачисем хаваслансах утма тухаççĕ. М. Табакова медицина сестри хальхинче кĕçĕн класра вĕренекенсене кашни кун çур сехет таран утни çитĕнекен ачасемшĕн епле пĕлтерĕшлĕ пулнине ăнлантарнă. Малашне çак мероприятие аслă классене те явăçтарасшăн.
Источник: "Авангард" (газета Батыревского района)