Публикации » Пирĕн районтан тухнă иккĕмĕш святой _ Кивĕ Ахпỹртрен

22 октября 2014 г.

 ПРАВОСЛАВИ календарĕпе кашни кунах тĕрлĕрен святойсен ячĕсене асăнма пулăртнă. Сентябрĕн 10-мĕшĕнче асăнакан ятсем хушшинче пирĕн районтан тухнă Леонтий Карягин ятне те курма пулать. Вăл Кивĕ Ахпỹртре çуралнă, малтанхи ячĕ Лаврений пулнă теççĕ. Хусан мăнастирĕнче Леонтий ят илет. 1918 çулхи сентябрĕн 10-мĕшĕнче большевиксем ăна тата тепĕр 9 монаха персе пăрахнă. Халĕ вĕсене Хусанти 10 преподобномученник шутне кĕртнĕ. Апла-тăк, пирĕн районтан тухнă святойсен шутне 2 ята (Турханти Герман Кокельпе пĕрле) кĕртме пулать.

Источник: "Авангард" (газета Батыревского района)