03 сентября 2014 г.
ÇАКĂН пек ят панă Галина Мулюкова хăйĕн иккĕмĕш кĕнекине. Галина Васильевна 1954 çулхи сентябрĕн 21-мĕшĕнче Вăтаел ялĕнче çуралнă. Тури Туçари вăтам шкула вĕренсе пĕтернĕ хыççăн Патăрьелĕнчи професси училищинче ветеринар профессине алла илнĕ. Унтан тĕрлĕ сферăра вăй хунă. Тивĕçлĕ канăва тухиччен Туçари "Сар хĕвел" ача садĕнче ĕçленĕ. Авторăн пĕрремĕш сăвă кĕнеки 2006 çулта "Мăшăрăма" ятпа пичетленнĕ.
Çĕнĕ кĕнекене Шупашкарти "Çĕнĕ Вăхăт" издательствăра пичетленĕ. Галина Васильевнан сăввисем ăшă туйăмлă та тарăн шухăшлă. Унти сăнарсем пирĕнпе юнашарах, вĕсем йывăрлăхсене çĕнтерсе малалла пурăнаççĕ. Илемлĕх тĕлĕшĕнчен пуян сăвăсене юрра та хывнă, вĕсене тĕрлĕ уяра час-часах илтме пулать. Автора малашне те ăнăçусем сунатпăр, вăл çырнă çĕнĕрен те çĕнĕ сăвăсене вуласа киленессе шансах тăратпăр.
Источник: "Авангард" (газета Батыревского района)