09 августа 2014 г.
Августăн 5-мĕшĕнче пирĕн районта Шупашкар тата Чăваш епархийĕн митрополичĕ Варнава тата Улатăрпа Пăрачкав епископĕ Феодор пулчĕç. Владыкăпа епархи управляющине Туçара район администраци пуçлăхĕ Николай Глухов, ял тăрăх пуçлăхĕ Николай Перепелкин, епархин III округĕн благочиннăйĕ _ Первомайскинчи храм настоятелĕ Сергий Пегасов протоиерей, епархин IV округ благочиннăйĕ, Шăмăршăри чиркỹ настоятелĕ Николай Чувашов протоиерей, тавра ялти пачăшкăсем, ытти чиркỹ çыннисемпе Турра ĕненекенсем çăкăр-тăварпа, чечексемпе ырă сунса кĕтсе илчĕç.
Турă Амăшĕн Пачаевская иконĕн кунне паллă тунă май, Туçари Çветтуй Троица ячĕллĕ чиркỹре литурги ирттерчĕç, Владыка сывлăхĕшĕн молебен йĕркелерĕç, чиркĕве пуçтарăннисем ăна "Многие лета..." юрăпа саламласа нумай-нумай çул пурăнма ырă сунчĕç.
Туçа чиркĕвĕн настоятелĕ Николай Марков протоиерей Владыкăна уяв службине хутшăннăшăн тав турĕ, просфор парнелерĕ.
Хамăр корр.
Источник: "Авангард" (газета Батыревского района)