Публикации » Ял хастарĕ унта та, кунта та ĕлкĕрет

21 мая 2014 г.

ТУÇА ял тăрăхĕнче В. Салмин хастара палламан çын çук та пулĕ ĕнтĕ. Вăхăтĕнче тĕрлĕ ĕçре тăрăшса ят-сум çĕнсе илнĕ çемье пуçĕ çиччĕмĕш теçеткене капашать пулин те алă усса çеç ларма юратмасть: унта та, кунта та ĕлкĕрет. Ирсерен вуншар çухрăм чупма та чăтăмлăх çитерет, районти культурăпа кану центрĕ йĕркелекен юрăсен конкурсне те кăмăлтанах хутшăнать. Çав вăхăтрах ял халăхĕ валли усăллă ĕç тума та тăрăшать. Çак кунсенче вăл Туçара автобуссем чарăнмалли вырăна хăй ирĕкĕпех тăп-тăпăлкка сак туса лартнă. Малашне йывăр кутамккисене кинемейсем çỹплĕ тăпра çине лартмĕç. Çула тухнă çыннăн ĕçĕ ăнтăр тесен, ларса канни те кăмăллă.

Источник: "Авангард" (газета Батыревского района)