Публикации » Ватлăхра та калемне алран ямасть

27 ноября 2013 г.

ТĂХХĂРМĔШ теçеткене хыçа хăварнă Александр Алексеевич Павлов учитель-пенсионера Кивĕ Ахпỹртсем çеç мар, тавра ялсем те питĕ лайăх пĕлеççĕ. Ăслă-тăнлă та тирпейлĕ ватă педагогика каçалăкĕнче хĕрĕх çул ытла "суха тунă". Вăл шутра чĕрĕк ĕмĕрне шкул директорĕнче тăрăшнă. Хисеплĕ вĕрентекенĕмĕр "Авангард" хаçатăн шанчăклă тусĕ те. Ĕç ветеранĕ хăй мĕн ас тăвассах район хаçачĕпе çыхăну тытать. Унăн хайлавĕсем те чылай пичетленеççĕ унта. Шур сухал паян та çулне пăхмасăр çĕнĕ йĕркесем шăрçалать-ха. Çак кунсенче вăл хăйĕн тăван шкулĕнчи аслă класра вĕренекенсемпе пултарулăх урокĕ ирттернĕ. Унта вăл каччăсемпе хĕрсене хăйĕн юлашкинчен пичетленсе тухнă тăваттăмĕш кĕнекери сăввисемпе паллаштарнă.

Источник: "Авангард" (газета Батыревского района)