09 ноября 2013 г.
КИВĔ АХПỸРТРЕ çуралса ỹснĕ, халĕ Шупашкарта пурăнакан Владимир Рыбкина чылайăшĕ Вăрăм Палюк ятпа пĕлеççĕ. Вăл республикăри профсоюзсен хаçачĕн редакторĕ çеç мар, поэт та. Çыравçăн сăввисенчен 600 ытларахăшне юрра хывнă. Вĕсене Стас Владимиров, Алексей Шадриков тата ытти артистсем шăрантараççĕ. Нумай пулмасть вара Владимир Николаевич продюсер ĕçне пуçăннă. Пултаруллă та талантлă хĕрсемпе каччăсенчен Юрий Кудаков композитор пулăшнипе "Юрлакан чĕресем" ушкăн йĕркеленĕ. Сăмах май, сцена çинче палăрма пуçланă çамрăксем Кивĕ Ахпỹртри культура çуртĕнче те юррисемпе савăнтарчĕç. Зал тулли халăх вĕсене кăмăлласах йышăнчĕ.
Источник: "Авангард" (газета Батыревского района)