Публикации » Масара тасатса тирпейленĕ

21 сентября 2013 г.

КУ тĕнчене эпир вăхăтлăха çеç килнĕ. Хăçан та пулин пурин те сар хĕвел çутипе сыв пуллашмалла. Пурăннă чухне вара хамăрăн çывăх çынсем ĕмĕрлĕх канлĕх тупнă вырăна таса тытса тăмалла. Туçара пурăнакансем А. Салмина ял старости пуçарнипе çĕнĕ масара тирпейлерĕç. Киввине маларах тасатнăччĕ. Ỹссе кайнă курăка çулнă, выртса çỹрекен ăпăр-тапăра, кивĕ кăшăлсене пуçтарнă. Субботника тухакансем хушшинче аслă çултисем ытларах. Çакăн пек ĕçсене пурте явăçманни те шухăшлаттарать. Çĕр çине никам та ĕмĕрлĕх килменни пирки манас марччĕ.

Источник: "Авангард" (газета Батыревского района)