Публикации » Çумăр çăвать е сар хĕвелĕ пăхать, Спорт ветеранĕ шав чупать

21 августа 2013 г.

 ТУÇА тăрăхĕнче çиччĕмĕш теçеткене капашакан Валерий Салмина пĕлмен-палламан çын сахал-тăр. Чылай енĕпе хастар та пултаруллă чăваш çулĕсем шултăраланса пынăçемĕн спортпа тачăрах та тачăрах çывăхланма тăрăшать. Ĕç ветеранĕ ку таранччен кашни кунах ирхине Елчĕк районĕнчи Кушкă ялне çитиччен çуран чупса килетчĕ. Халĕ вара çăмăл атлет хăйĕн дистанцине самай вăрăмлатнă: вăл чиркỹллĕ Тимешех çитет. Çапла вара сывă пурнăç йĕркине хапăл тăвакан асатте, кукаçи çирĕм çухрăма çăмăллăнах парăнтарать. Хăйĕнпе юнашар тăрса чупас текенсене те вăл ал хапăлах йышăнать.

Источник: "Авангард" (газета Батыревского района)