Публикации » Вулавăшра 35 çул "ăшă"

13 июля 2013 г.

 КИВĔ Ахпỹртри ял библиотекинче тăрăшакан А. Капитонована ялта ватти те, вĕтти те лайăх паллать. Кун валли сăлтавĕ те пысăк. Антонина Иссаковна вулавăшра ĕçлеме пикенни 35 çул çитет. Çак тапхăрта культура ĕçченĕ халăхшăн пайтах тар тăкнă. Çавăнпа вулавăшра та яланах "ăшă": хĕлле те, çулла та. Ахальтен мар ĕнтĕ ăна виçĕм çул "Районти чи лайăх культура ĕçченĕ" хисеплĕ ята панă. Унсăр пуçне тĕрлĕ шайри ытти тав хучĕсем те пайтах. Нумай пулмасть вĕсен çумне тепри хутшăнчĕ. Виçĕ ача амăшне хăйĕн ĕçне тỹрĕ кăмăлпа пурнăçланăшăн Культура ми-нистерствин хисеп грамотипе наградăланă.

Источник: "Авангард" (газета Батыревского района)